خالد الفيصل و بدر بن عبدالمحسن

حينما يجتمع اعظم الشعراء في عصرنا هذا وهم غنيون عن التعريف (دايم السيف) و (مهندس الكلمه) سأترك لكم الأبيات لتعبر عن محتواها ..


هذي قصيده لدايم السيف (خالد الفيصل) اللتي اهداها لصاحب السمو الملكي الأمير سلمان بن عبدالعزيز ..سريت ..


سريت ليل الهوى لين انبلج نوره

امشي على الجدي وتسامرني القمرا

طعس وغدير وقمر ونجوم منثوره

انفاس نجد بها جرح الدهر يبرا

يا نجد الاحباب لك حدر القمر صوره

طفلة هلال وبنت اربع عشر بدرا

حبيبتي نجد عيني فيك معذوره

معشوقة القلب فيها للنظر سحرا

فضة شعاع القمر في نجد مسحوره

منشاف لمع قمر في خدة سمرا



وثم كلف الأمير سلمان الشاعر (مهندس الكلمه) بدر بن عبدالمحسن بالرد على تلك القصيده .. وابدع وهو المبدع دائما بدرنا بتلك الأبيات ..
ياساري الليل شعرك جسد الصوره

زيُنت بنجوم حرفك صفحة الغدرا

بعض السما من بعضها اليوم مقهوره

عذرا زهت من قصيدك وزعلت عذرا

فرحت بك هضاب نجد وضحكت زهوره

وحنت طرب بالماضي بكرة ٍ عفرا

والوادي اللي شهود امجاده قصوره

يامير هو عشقنا في مامضى وبكرا

لو كل شاعر كتب من صادق شعوره

شفت الصخر والمسايل تكتب وتقرا