إن قلت وشلونك ؟

أسمحلولي حبايبي الكرام أن أقدم لكم هذه القصيده المنبوطه من نبط سموه الكريم .. النابعه من أحلة دواوينه الشعرية الملموسه والتي تأسر بمعناها الفكر والوجدان
فيقول :


إن قلت وشلونك ؟ فلانيب بالحيل
همي كبير وداخل القلب عله

عيا يرد الصبح مسترسل الليل
وعيا يقوم الحظ من طيحةٍ له

رجلي وغيري راكبٍ صهوة الخيل
أشقى وغيري ياخذ الكار كله

يابندر أمزج فايح البن والهيل
وبهّر بها يابوك للكيف دله

اباطرد هموم تلاطم كما السيل
كل مابغى يدله فؤادي تتله

عجزت متوني وارتدم فوقي الشيل
والرجل جاها من حصا الدرب خلّه

تمشي جروح الوقت في خافقي غيل
وتلمع سيوف الضيم من الوجه سله

إن قمت طق الغار راسي من الميل
وان جيت أبا اقعد فوق جمرٍ وملّه



هذه بعض الدرر من ذهبيات سموه المتلألأه
وتقبلوا مني أعطر تحيه واعتزاز