البارحه يوم الخلايق نياما...

من طرف سعــــــود الأحد أغسطس 26, 2007 11:10 am

البارحة يوم الخلايق نياما=بيحت من كثر البكا كل مكنون
قمت اتوجد وانثر الماء على ما=من موق عين دمعها كان مخزون
ولي ونة من سمعها مايناما=كني صويب بين الأضلاع مطعون
وإلا كما ونة كسير السلاما=خلوه ربعه للمعادين مديون
في ساعة قل الرجا والمحاما=في ما يطالع يومهم عنه يقفون
وإلا كما ونة راعبية حماما=غدا ذكرها والقوانيص يرمون
تسمع لها بين الجرايد حطاما=من نوحها تدعي المواليف يبكون
وإلا خلوج سايبه للهياما=على حوار ضايع في ضحى الكون
وإلا حوار نشقوله شماما=وهي تطالع يوم جروه بعيون
يردون مثله والظوامي سياما=ترزموا معها وقاموا يحنون
وإلا رضيع جرعوه الفطاما=توفت امه قبل اربعينه يتمون
عليك يا شارب لكاس الحماما=صرف بتقدير من الله مأذون
جاه القضاء من بعد شهر الصياما=صافي الجبين بثاني العيد مدفون
كسوه من بيض الخرق ثوب خاما=وقاموا عليه من الترايب يهلون
راحوا بها حروة صلاة الاماما=عند الدفن قاموا لها الله يدعون
برضاه والجنه وحسن الختاما=ودموع عيني فوق خدي يهلون
حطوه في قبر غطاه الهداما=في مهمة من عرب الامات مسكون
يا حفرة يسقي ثراك الغماما=مزن من الرحمة عليها يصبون
جعل البختري والنفل والخزاما=ينبت على قبر به العذب مدفون
مرحوم يالي ما مشي بالملاما=جيران بيته راح ما منه يشكون
يا وسع عذري وأن هجرت المناما=ورافقت من عقب العقل كل مجنون
أخذت أنا وياه سبعة اعواما=مع مثلهن في كيف مالها لون
والله كنة يا عرب صرف عاما=يا عونة الله صرف الأيام وشلون
وأكبر اهمومي من بزور يتاما=وإن شفتهم قدام وجهي يصيحون
وأن قلت لا تبكون قالوا علاما=نبكي ويبكي مثلنا كل محزون
لاقلت وش تبكون ؟ قالو يتاما=قلت اليتيم اياي وانتم تسجون
قمت اتشكا عند ربع اعدامــا=وجوني على فرقا خليلي يعزون
قالوا تزوج وانس لامه بلاما=ترى العذارى عن بعضهم يسلون
قلت إنها لي وفقت بالولاما=ولو جمعتم نصفهن ما يسدون
ما ظنتي تلقون مثله حراما=ايضا ولا فيهن على السر مامون
وأخاف أنا من غاديات الذماما=اللي على ضيم الدهر ما يتاقون
أو خبلة ما عقلها بالتماما=تضحك وهي تلذع على الكبد بالهون
توذي عيالي بالنهر والكلاما=وانا تجرعني من المــــر بصحون
والله لولا هالصغار اليتاما=وخايف عليهم من الدجه يضيعون
لقول كل البيض عقبة حراما=واصبر كما يصبر على الحبس مسجون
عليه مني كل يوم سلاما=عدة حجيج البيت واللي يطوفون
وصلوا على سيد جميع الاناما=على النبي يللى حضرتوا تصلون

تحياتي

منقول

من طرف سعودي رايق الخميس سبتمبر 13, 2007 11:39 am

مشكوووور أخوي سعود على الموضوع

وهاذي القصيده الحزينه لنمر بن عدوان

البارحه يوم الخلايق نياما...

البارحه يوم الخلايق نياما...

رد: البارحه يوم الخلايق نياما...